TOShKENT, 1 okt — Sputnik. AQSh hukumatini moliyalashtirish to‘g‘risidagi qonunda Ukrainaga yordam berish mavjud emasligi Vladimir Zelenskiyning pozitsiyalariga zarba bo‘ldi, deb yozadi “Bloomberg”.
“Bu qaror, hech bo‘lmaganda, hozircha, o‘tgan hafta Vashingtonda prezident Jo Bayden va Kongress a’zolari bilan uchrashgan va shaxsan o‘zi yangi qurol tizimlari, jumladan F-16 qiruvchilari va uzoq masofali ATACMS raketalarini so‘ragan Vladimir Zelenskiy uchun zarba bo‘ldi”, - deyiladi materialda.
Jurnalistlarning qayd etishicha, bu qaror Kiyevni Rossiya bilan mojaroda moliyaviy qo‘llab-quvvatlash tobora qiyinlashib borayotganidan ham dalolat beradi.
Ular, shuningdek, AQSh Kongressi Ukrainaga qanchalik zudlik bilan qo‘shimcha pul kerakligini aniq bilmasligini ta’kidladi, chunki Ukraina Qurolli kuchlari hali ham Rossiya nazoratidagi hududlarni egallab ololmaydi.
Avvalroq, Oq uy AQSh prezidenti Jo Bayden Kongress tomonidan ma’qullangan, hukumatni moliyalashtirishni 45 kunlik muddat – 17noyabrgacha davom ettiradigan qonunni imzolagani haqida xabar bergan edi. Qonunda Ukraina ehtiyojlari uchun mablag‘ ajratilishi nazarda tutilmagan.