TOShKENT, 27 sen — Sputnik. Samarqand 2025-yil Islom dunyosi madaniyat poytaxti deb tasdiqlandi. Bu haqda O‘zbekiston madaniyat vaziri Ozodbek Nazarbekov ma’lum qildi.
© Press-slujba Ministerstva kulturi Uzbekistana
Ta’kidlanishicha, 25-sentabr kuni Qatarda XXII Islom dunyosi madaniyat vazirlarining “Islom olamida madaniy tadbirlarning yangilanishi tomon” mavzusidagi 12-konferensiyasi o‘z ishini boshladi. Unda Ozodbek Nazarbekov ham ishtirok etmoqda.
Konferensiya kun tartibida dunyo madaniy siyosatining yetakchi tamoyillari va barqaror rivojlanish ko‘rsatkichlari, islom olamida insoniyatning barhayot boyliklari va an’anaviy bilimlarini qadrlash, madaniy boyliklarning noqonuniy aylanishiga qarshi kurashishga oid qator masalalar muhokama qilindi.
© Press-slujba Ministerstva kulturi Uzbekistana
“Eng muhimi, konferensiya doirasida 2025-yil Samarqand Islom dunyosi madaniyat poytaxti deb tasdiqlandi. Bu maqom bizga yana bir karra dunyoga madaniy merosimizni namoyon etish imkonini taqdim etadi”, - deb yozadi vazir.
© Press-slujba Ministerstva kulturi Uzbekistana
© Press-slujba Ministerstva kulturi Uzbekistana