TOShKENT, 25 sen — Sputnik. Birlashgan Millatlar Tashkilotining Oziq-ovqat va qishloq xo‘jaligi tashkiloti (FAO) O‘zbekistonga 8ta maxsus jihozlangan "Toyota" yo‘ltanlamas avtomobillarini topshirdi, deb xabar qilmoqda Qishloq xo‘jaligi vazirligi.
"FAO O‘zbekistonda chigirtkaga qarshi kurashishni yanada yaxshilash uchun Qishloq xo‘jaligi vazirligi huzuridagi O‘simliklar karantini va himoyasi agentligiga 8 ta maxsus jihozlangan "Toyota Hilux" avtomobilini topshirdi", - deyilladi xabarda.
Mazkur ko‘mak FAOning "Markaziy Osiyoda chigirtkalarga qarshi kurashishni takomillashtirish (II bosqich)" mintaqaviy loyihasi doirasida amalga oshirildi.
Xabarda chigirtka qishloq xo‘jaligi uchun katta xavf ekani ham alohida aytib o‘tilgan.