TOShKENT, 21 sen — Sputnik. 2023 yilning yanvar-mart oylarida Yevroosiy iqtisodiy ittiqofi (YeOII) mamlakatlariga o‘zaro investitsiyalar hajmi o‘tgan yilning shu davriga nisbatan sezilarli darajada o‘sdi, deb xabar beradi YeIK matbuot xizmati.
"Butun 2022-yil uchun o‘zaro investitsiyalar hajmi 1,967 mlrd. dollar bo‘lgan bo‘lsa, 2023-yilning faqat birinchi choragida o‘zaro investitsiyalar hajmi 1,265 mlrd. dollarga baholangan. Bu butun 2022-yil uchun investitsiyalarning yarmidan ko‘pini (64,3%) tashkil etdi", - deyiladi xabarda.
O‘zaro to‘g‘ridan-to‘g‘ri investitsiyalarning asosiy qismi kompaniyalar kapitaliga investitsiyalar va investitsiya fondlariga kiritilgan.
YeIK tahlilchilariga ko‘ra, Rossiya YeOIIning asosiy investoriga aylandi va investitsiyalarning 86 foizini ta’minladi, Belarus esa mablag‘larning asosiy oluvchisi bo‘lib, umumiy miqdorning 45 foizini oldi.
E’lon qilingan statistik ma’lumotlarga ko‘ra, Armaniston va Qozog‘istonga o‘zaro investitsiyalarning sof oqimi o‘tgan yilning shu davriga nisbatan oshgan. Shunday qilib, Armanistonda o‘zaro investitsiyalar 3,2 barobar, Qozog‘istonda esa 43 foizga oshgan. Shu bilan birga, Belarusda YeOIIdan to‘g‘ridan-to‘g‘ri investitsiyalar oqimining 17,7 foizga, Qirg‘izistonda esa 10,6 foizga kamaygan.
Shuningdek, YeOII mamlakatlariga dunyoning qolgan qismidan to‘g‘ridan-to‘g‘ri investitsiyalar Armanistonda 66 foizga, Belorussiyada 5 foizga qisqargani, Qozog‘istonda esa sezilarli darajada – 1,6 barobar oshgani qayd etilgan.
Avvalroq Rossiya bosh vaziri Mixail Mishustin YeOII mamlakatlari o‘rtasidagi hamkorlik sur’ati o‘sib borayotganini ta’kidlagan edi. Xususan, G‘arb davlatlarining sa’y-harakatlariga qaramay, Yevroosiyo makonida integratsiya jarayonlari kuchaymoqda. Bundan tashqari, G‘arbning bosimi hamkorlar uchun yangi imkoniyatlar ochadi: u Rossiya bozorida ilgari G‘arb kompaniyalari tomonidan egallab olingan bo‘shliqlarni bo‘shatadi va postsovet mamlakatlariga Rossiya sarmoyalari oqimini rag‘batlantirmoqda.
Ma’lumot uchun, YeOII a’zosi bo‘lgan Rossiya Federatsiyasi O‘zbekistonning eng yirik investori hisoblanadi. Xususan, 2022-yilda O‘zbekistonga korxonalarining asosiy kapitaliga kiritilgan jami investitsiyalarning (112,2 trln. so‘m) 20,3 % — Rossiya tomonidan kiritilgan. Ikkinchi o‘rinda Xitoy — 16,4%, uchinchi Turkiya — 10,1%.