TOShKENT, 20 sen — Sputnik. Vladimir Zelenskiy AQShga noto‘g‘ri vaqtda keldi, Kongressda uning uchun pul yo‘q. Bu haqda Vakillar palatasi a’zosi Bayron Donalds Recount axborot resursiga bergan intervyusida ma’lum qildi.
“Birinchi navbatda, men sizga aytaman, hozir Vakillar palatasida Ukraina uchun pul yo‘q”, - deydi u.
Kongressmenning qo‘shimcha qilishicha, hozir Zelenskiyning AQShga tashrifi uchun “yaxshi vaqt emas”. Donalds, shuningdek, AQSh budjeti taqchilligiga ishora qilib, prezident Jo Baydenni Ukrainadagi mojaroni kuchaytirayotganlikda aybladi.
“Ochig‘ini aytganda, bizda ikki trillion dollarlik kamomad bor. Biz Ukrainaga beradigan har qanday pulga, kelajagimizdan qarz olamiz. Bu fakt”, - deya qo‘shimcha qildi u.
Avvalroq AQSh Kongressi Vakillar palatasi spikeri Kevin Makkarti Vladimir Zelenskiy bilan uchrashuvda unga yangi moliyalashtirish davrini kafolatlamoqchi emasligini, balki Amerikaning Kiyevga bergan yordami uchun javobgarlikni talab qilishini aytgandi.