TOShKENT, 18 sen — Sputnik. Ukraina armiyasining Doneskdagi Artyomovskga sezdirmasdan yaqinlashish imkoniyati deyarli yo‘q, chunki shahar bir necha kilometrga dalalar va o‘rmonlar bilan o‘ralgan, shuning uchun Ukraina Qurolli kuchlarining (UQK) shaharga to‘g‘ridan-to‘g‘ri hujum qilish ehtimoli juda kam. Bu haqda Janubiy kuchlar guruhining 150-motoo‘qchi diviziyasi razvedkachisi RIA Novostiga ma’lum qildi.
“Biz Artyomovsk atrofidamiz, hech kim yo‘q, faqat daraxtzorlarda dushmanlar bor. Eng yaqin daraxtzor taxminan 900 metr uzoqlikda. Dushmanning Artyomovsk tomon bizning yo‘nalishda oldinga siljishi ehtimoli kam, - dedi u.
Razvedka xodimining so‘zlariga ko‘ra, Rossiyaning shahar atrofidagi so‘nggi pozitsiyalari ochiq hududlarni dushman pozitsiyalaridan ajratib turadi, hudud relyefi UQKning frontning ushbu qismida sezdirmasdan oldinga siljishiga to‘sqinlik qiladi.
“Uch kun oldin ular og‘ir (katta kalibrli artilleriya) va kassetalar (kassetali o‘q-dorilar) bilan yaxshi qurollanib olgan edi, ikki kundan beri esa g‘alati jimlik. Ularda bunday holat bo‘lib turadi, lekin keyin ular yana atrofini qurollar bilan o‘rab oladi. Bu tejamkorlik qilayotganini yoki kimnidir kutayotganini anglatadi”, — deya qo‘shimcha qildi u.
Razvedkachining qayd etishicha, Ukraina xavfsizlik kuchlari kechki payt, qorong‘i tusha boshlaganda shaxsiy tarkibni almashtirib, o‘q-dorilar yetkazib berilishi boshlanadi. Faralarning yorug‘i va texnikalarning shovqini dushmanni bildirib qo‘yadi, bu esa Rossiya artilleriyasi ularni nishonga olishiga imkon beradi.
Artyomovsk — Donesk shimolida Donesk Xalq Respublikasidagi yirik shahar, 2014-yil yozgi janglardan keyin Kiyev nazoratidagi hududda qolgandi. Maxsus harbiy operatsiya davrida 220 kundan ortiq davom etgan janglardan so‘ng 2023-yil 20-mayda bu shahar ozod qilingan. Hozirda u to‘liq Rossiya qo‘shinlari nazorati ostida.
Rossiya Mudofaa vazirligining 16-sentabr kuni xabar berishicha, bir hafta ichida Artyomovsk yo‘nalishida janubiy guruh bo‘linmalari UQKning 34 ta hujumini qaytargan, buning natijasida dushman 1,7 mingdan ortiq harbiy xizmatchini yo‘qotgan.16 ta tank va boshqa zirhli jangovar mashinalar, 34 ta avtomobil, shuningdek, 12 ta artilleriya qurollari yo‘q qilingan.