TOShKENT, 14 sen — Sputnik. Mirziyoyev Markaziy Osiyoda to‘liq erkin savdo zonasini yaratishni taklif qildi.
Dushanbeda bo‘lib o‘tgan Markaziy Osiyo davlatlari rahbarlarining maslahat uchrashuvida Shavkat Mirziyev to‘laqonli erkin savdo zonasini tashkil etishni taklif qildi.
Mirziyoyev Markaziy Osiyo mamlakatlari o‘rtasidagi savdo-iqtisodiy hamkorlik mintaqaviy sheriklik va integratsiyaning asosiy harakatlantiruvchisi ekanini ta’kidladi.
Uning so‘zlariga ko‘ra, O‘zbekistonda mintaqadagi barcha davlatlar bilan bu yo‘nalishda amaliy hamkorlikni rivojlantirish uchun barcha zarur shart-sharoitlar yaratilmoqda.
“Tovar ayirboshlash hajmini oshirish uchun imtiyoz va cheklovlarsiz to‘laqonli erkin savdo zonasini tezda shakllantirish zarur, deb hisoblaymiz”, — dedi Mirziyoyev.
O‘zbekiston rahbari Markaziy Osiyo mintaqasida barqaror savdo va logistika zanjirlarini shakllantirishni nazarda tutuvchi kompleks mintaqaviy dasturni qabul qilish, transchegaraviy savdo va hamkorlik markazlarini ochish va kengaytirish, qonunchilikni uyg‘unlashtirish va o‘zaro savdodagi to‘siqlarni bartaraf etish, sanitariya va fitosanitariya nazoratini bojxona ma’muriyatchiligining yagona elektron platformalarini yaratish, tovarlarning kelib chiqishini sertifikatlash, hududiy elektron tijorat platformasini ishga tushirishni taklif qildi.
"Bu vazifalarni amalga oshirish uchun tashqi savdo faoliyatiga mas’ul vazirlarning muntazam yig‘ilishlari mexanizmini ishga tushirishni taklif qilamiz”, — deya qo‘shimcha qildi Mirziyoyev.