TOShKENT, 13 sen — Sputnik. O‘zbekistonning yalpi ichki mahsuloti (YaIM) 2030-yilga borib 160 mlrd dollarga yetkaziladi. Bu haqda O‘zbekiston investitsiyalar, sanoat va savdo vaziri maslahatchisi Abdulla Hoshimov ma’lum qildi, deya xabar berdi Sputnik muxbiri.
Toshkentda “Xalqaro avtomobil transporti: Barqaror rivojlanish va farovonlik sari” nomli konferensiya bo‘lib o‘tmoqda. Unda 11 ta xalqaro tashkilot hamda 29 ta mamlakatdan 93 ta xorijiy delegatsiya vakillari ishtirok etmoqda.
Toshkentda “Xalqaro avtomobil transporti: Barqaror rivojlanish va farovonlikka erishish” nomli konferensiya bo‘lib o‘tmoqda.
© Sputnik/Ramiz Baxtiyarov
Unda nutq so‘zlagan O‘zbekiston investitsiyalar, sanoat va savdo vaziri maslahatchisi Abdulla Hoshimovning so‘zlariga ko‘ra, 2030-yilga borib O‘zbekiston YaIM 160 milliard dollarga yetkaziladi.
Eksport hajmi esa 45 milliard dollarga oshadi, o‘tgan yili bu ko‘rsatkich 18,5 milliardni tashkil etdi. Bularning barchasi xalqaro yuk tashish hajmini oshirishni taqozo etadi.
Toshkentda “Xalqaro avtomobil transporti: Barqaror rivojlanish va farovonlikka erishish” nomli konferensiya bo‘lib o‘tmoqda.
© Sputnik/Ramiz Baxtiyarov
“Bugungi kunda O‘zbekiston dunyoning 180 dan ortiq davlati bilan savdo aloqalarini olib bormoqda. Va avtomobil transporti asosiy rol o‘ynaydi”, - dedi Hoshimov.
Uning so‘zlariga ko‘ra, oxirgi olti yilda O‘zbekiston eksport yuklarini avtomobil transportida tashish hajmi 5 baravar oshdi.