Liviya sharqida joylashgan Derna shahridagi toshqinlar tufayli 9 mingdan ortiq odam bedarak yo‘qolgan
Avvalroq Liviya milliy armiyasi (LMA) vakili Ahmad al-Mismariyning RIA Novostiga Dernada 5-6 ming kishi bedarak yo‘qolganini ma’lum qilgan edi.
OAV xabarlariga ko‘ra, qurbonlar soni ko‘proq bo‘lishi mumkin.
Liviya OAVlari avvalroq xabar qilganidek, yakshanba kuni “Daniel” bo‘roni sabab kuchli sel Liviya sharqidagi bir qator shahar va aholi punktlarida, jumladan, Al-Bayda va Dernada to‘fon va toshqinlarga sabab bo‘lgan.
Ko‘plab turar-joy binolari, shifoxonalar va boshqa muhim fuqarolik obyektlari suv ostida qolgan.
Derna shahrida ikkita to‘g‘on vayron bo‘lishi va halokatli vaziyat yuzaga kelishi xavfi tufayli eng jiddiy zarar ko‘rgan shahar bo‘ldi.
Mamlakat sharqidagi Susa va Derna shaharlari tabiiy ofat hududlari deb e’lon qilindi. Suv toshqinidan jabr ko‘rgan shaharlarda komendantlik soati joriy etildi.
Liviya Sog‘liqni saqlash vazirligining so‘nggi ma’lumotlariga ko‘ra, Liviyaning shimoli-sharqiy hududlarida sodir bo‘lgan sel va suv toshqinlari oqibatida halok bo‘lganlar soni 3 ming nafarga yetdi.
Kuchli yomg‘ir tufayli mintaqada aeroportlar va dengiz portlari yopildi.
Avvalroq “Daniel” bo‘roni Gretsiyada kuzatilgan edi