TOShKENT, 8 sen — Sputnik. Koreya Xalq Demokratik Respublikasi (KXDR) taktik yadro quroli bilan jihozlangan yangi suvosti kemasini suvga tushirdi. Marosimda mamlakat yetakchisi Kim Chen In ishtirok etdi. Bu haqda Shimoliy Koreya markaziy telegraf agentligi xabar bermoqda.
Yangi suvosti kemasi “Qahramon Kim gun Ok” nomi bilan atalgan. U Shimoliy Koreya Harbiy-dengiz kuchlarining tegishli diviziyasiga topshiriladi.
Kim Chen Inning ta’kidlashicha, mamlakat kemasozlik sanoatini rivojlantirishda muayan yutuqqa erishgan. Shimoliy Koreya jangovar kuchlarning suvosti va suvusti kemalarini to‘xtovsiz modernizatsiya qilishda davom etadi.