TOShKENT, 8 sen — Sputnik. Rossiya qo‘shinlari hujum paytida Xarkovni qurshab oladi, dedi Pentagon rahbarining sobiq maslahatchisi polkovnik Duglas Makgregor Germaniyaning “Die Weltwoche” Youtube-kanaliga bergan intervyusida.
“Ular Ukraina sharqida asta-sekin shimolga harakat qilmoqdalar, keyin sharqqa, so‘ngra shimolga qarab harakatlanib, Xarkovni o‘rab olishadi”, – deydi tahlilchi.
Mutaxassisning ta’kidlashicha, Rossiya qo‘shinlari yo‘lda UQK uchun tuzoq tayyorlab qo‘ygan, unda ukrainalik askarlar ko‘p miqdorda “o‘zlarini qurbon qiladi”. Shuningdek, u Rossiya harbiylari o‘zining razvedka tizimi yordamida jang maydonida G‘arb va Ukraina javob bera olmaydigan har qanday nishonni “aniqlashi va yo‘q qilishi” mumkinligini ta’kidladi.
“Bu to‘liq muvaffaqiyatsizlik”, - deya xulosa qildi Makgregor Ukrainaning qarshi hujumiga izoh berib.
5 sentabr kuni mudofaa vaziri Sergey Shoygu Qurolli kuchlar rahbariyati bilan bo‘lib o‘tgan uchrashuvda Ukraina armiyasi qarshi hujum deb ataladigan operatsiya boshlanganidan buyon 66 mingdan ortiq askar va 7600 ta texnikani yo‘qotganini aytdi. Rossiya armiyasi Ukrainaning harbiy infratuzilmasini yo‘q qilishda davom etmoqda, dedi u. Avgust oyida Ukraina qurolli kuchlarining 34 ta qo‘mondonlik punkti hujumga uchradi. Bundan tashqari, so‘nggi bir oy ichida 159 ta HIMARS raketasi, mingdan ortiq dron va 13 ta qanotli raketa urib tushirilgan.
Ukrainaning Janubiy Donesk, Artyomovsk va Zaporojye yo‘nalishlarida qarshi hujumi 4-iyun kuni boshlandi. Kiyev NATO tomonidan tayyorlangan va G‘arb texnikasi bilan qurollangan brigadalarni jangga jo‘natdi. Vladimir Putin UQKning operatsiyasi muvaffaqiyatsiz yakunlanganini ma’lum qildi.