TOShKENT, 7 sen — Sputnik. Ayni damda Samarqandda bo‘lib o‘tayotgan BMT Oziq-ovqat xavfsizligi bo‘yicha xalqaro konferensiya yakunida Global oziq-ovqat xavfsizligi to‘g‘risida Samarqandda deklaratsiyasi qabul qilinadi.
Ushbu hujjatda xalqaro hamkorlikning asosiy yo‘nalishlarini belgilab olinadi. Tomonlar iqlim o‘zgarishi, suv resurslarining kamayishi, yerlar degradatsiyasini asosiy chaqiriqlar sifatida e’tirof etdilar.
Samarqand deklaratsiyasida quyidagi maqsadlari qayd etiladi:
qishloq xo‘jaligini ekologik jihatdan eng xavfsiz, bioxilma-xillikni qo‘llab-quvvatlaydigan usulda, suv resurslaridan optimal foydalangan holda rivojlantirish;
aholi, ayniqsa bolalar va o‘smirlarning sog‘lom ovqatlanishiga ko‘maklashish, maktabda ovqatlanish kompleks dasturlarini joriy qilish;
ayollarning agrooziq-ovqat tizimlari transformatsiyasidagi ulushini oshirish uchun qishloq joylardagi ayollar huquqlari va imkoniyatlarini kengaytirish;
davlat miqyosida kichik va oilaviy xo‘jaliklarni qo‘llab-quvvatlash, ularning ishlab chiqarish, tabiiy va moliyaviy resurslardan foydalanish imkoniyatlarini kengaytirish.
Tadbir doirasida 26 mamlakatdan 150 dan ziyod xorijiy olimlar va O‘zbekistonning 200 nafar olimi ishtirokida davra suhbati o‘tkazish ham rejalashtirilgan.
BMT Oziq-ovqat xavfsizligi bo‘yicha xalqaro konferensiya Samarqandda 7–8- sentabr kunlari bo‘lib o‘tmoqda. Unda 15 ta mamlakat qishloq xo‘jaligi vazirlari, 8 mamlakatdan vazir o‘rinbosarlari, 13 mamlakatning yuqori darajadagi diplomatlari va 30 dan ziyod xalqaro hamda ilmiy tashkilotlar, shuningdek moliya institutlari vakillari ishtirok etmoqda.