TOShKENT, 4 sen — Sputnik. Turkiya prezidenti Rejep Tayyip Erdog‘an Sochida rossiyalik hamkasbi Vladimir Putin bilan uchrashuvda ikki tomonlama savdo-sotiqda milliy valyutalarga o‘tish muhimligini ma’lum qildi.
“Men Markaziy banklarimiz rahbarlarining uchrashuvi savdo-sotiqda milliy valyutalarga o‘tish tomon qadamlar nuqtayi nazaridan juda muhim deb hisoblayman”, - dedi Erdog‘an. Uning so‘zlaridan RIA Novosti iqtibos keltirgan.
Sochida Rossiya va Turkiya yetakchilari muzokaralari bo‘lib o‘tmoqda. Ikki davlat yetakchilari ikki tomonlama hamkorlikni muhokama qilmoqda. Jumladan, ular don bitimini muhokama qilishi kutilmoqda.