TOShKENT, 29 avg — Sputnik. Buyuk Britaniya mudofaa vaziri Ben Uollesning iste’foga chiqishi Ukrainaning eng yaqin ittifoqchilaridan birini yo‘qotishiga olib keldi, deb yozdi Amerikaning "Breitbart" nashri.
"Ukraina Buyuk Britaniya mudofaa vaziri Uollesning iste’foga chiqishi tufayli eng yaqin ittifoqchilaridan birini yo‘qotmoqda”, — deyilgan maqola sarlavhasida. "Breitbart" yozishicha, Uolles to‘rt yil davomida mudofaa vaziri bo‘lib ishlagan va Britaniyaning Ukrainadagi mojaroga “harbiy reaksiya”ni nazorat qilgan.
Shu bilan birga, Uolles o‘z bayonotida Britaniya Qurolli kuchlarini moliyalashtirishni ko‘paytirishga chaqirgandi va kelgusi o‘n yil ichida "dunyo kamroq xavfsiz va barqaror bo‘ladi" degan fikrni bildirgandi.
Buyuk Britaniya bosh vaziri Rishi Sunakning "eng sodiq ittifoqchilaridan biri" energetika vaziri Grant Shapps iste’foga chiqqan vazir o‘rniga tayinlandi. "Breitbart" nashriga ko‘ra, kadrlar o‘zgarishi kelasi yilga rejalashtirilgan parlament saylovlari bilan bog‘liq.
Iyul oyida "Times" gazetasiga bergan intervusida Uolles kuzda iste’foga chiqish va Vazirlar mahkamasidagi rejalashtirilgan o‘zgarishlar doirasida siyosatdan ketish niyatini tasdiqlagandi. U vazir lavozimini tark etgach, siyosat va mudofaadan tashqari hayotga qaytishni xohlashini va barda ishlashdan xursand bo‘lishini aytgandi.