TOShKENT, 31 avg — Sputnik. Moskvada "Uzbekistan Airways"ning ayrim aviaqatnovlari zaxiradagi aeroportlarga yo‘naltirildi, deya xabar berdi kompaniya matbuot xizmati.
Qayd etilishicha, Moskvadagi Domodedovo xalqaro aeroportining havo hududi yopilgan. Shu sababli "Uzbekistan Airways"ning ayrim aviaqatnovlari zaxiradagi aeroportlarga yo‘naltirildi.
Quyidagi reyslar zaxiradagi aeroportlarga yo‘naltirildi:
HY611 reysi Samara xalqaro aeroporti;
HY9615 reysi Qozon xalqaro aeroporti;
HY9613 reysi Sankt-Peterburg xalqaro aeroporti.
Qo‘shimcha qilinishicha, biroz vaqt o‘tgach “To‘liq yopiq osmon” rejimi joriy etilishi munosabati bilan zaxiradagi aeroportlarga yo‘naltirilgan barcha havo kemalari muvaffaqiyatli qo‘nishni amalga oshirdi.