TOShKENT, 31 avg — Sputnik. Bransk viloyatida Ukraina huquq-tartibot idoralari xodimlaridan iborat qo‘poruvchilik guruhi yo‘q qilindi, deb xabar berdi Rossiya Federal xavfsizlik xizmati (FXX) jamoatchilik bilan aloqalar markazi.
"30 avgust kuni Rossiya hududida Ukraina xavfsizlik xizmatining xodimlari, Bosh razvedka boshqarmasi va Ukraina Mudofaa vazirligining Maxsus operatsiyalar xizmati harbiy xizmatchilaridan iborat Ukraina qo‘poruvchilik va terrorchilik guruhining faoliyatiga chek qo‘yildi", — deyilgan axborotda.
FXX tomonidan Milliy gvardiya va Ichki ishlar vazirligi bilan hamkorlikda Bransk viloyatining Navelskiy tumanida operatsiya o‘tkazildi.
Ikki jangari yo‘q qilindi, besh nafari qo‘lga olindi, ulardan uch nafari yaralangan.
Ularning har birida katta arsenal bor edi: AQSh pulemotlari, kuchli portlovchi qurilmalar, ko‘p sonli NATO tipidagi granata va patronlar, tungi ko‘rish moslamalari.
© Press-slujba FSB RF
/ Qo‘poruvchilar Rossiyadagi harbiy va energetika obyektlariga bir qator teraktlar uyushtirishni rejalashtirishgan.
Jinoiy ish qo‘zg‘atish masalasi hal qilinmoqda.