TOShKENT, 29 avg — Sputnik. Joriy yil 30-avgustdan 4-sentabrga qadar Toshkentda Kichik halqa yo‘lining bir qismi vaqtincha yopiladi. Bu haqda Toshkent shahar hokimligi matbuot xizmati xabar berdi.
Ta’kidlanishicha, poytaxtda yog‘ingarchilik vaqtida yuzaga kelishi mumkin bo‘lgan suv toshishi holatlarining oldini olish maqsadida ayni kunlarda kollektor-drenaj tizimi quvurlarini yangilash ishlari olib borilmoqda.
Chast ulisi Kichik Xalka Yuli v Tashkente budet vremenno zakrita
© press-slujba xokimiyata goroda Tashkenta
30 avgustdan 4-sentabrga qadar Kichik halqa yo‘li ko‘chasining Beshqayrag‘och ko‘chasi bilan kesishmasining pastki tomonidan Istirohat ko‘chasi bilan kesishmasigacha bo‘lgan oralig‘ida joylashgan kollektor quvurlarini ta’mirlash ishlari olib boriladi.
Shu munosabat bilan Kichik halqa yo‘li ko‘chasining bir qismi (yo‘lning bir tomoni) besh kunga yopiladi.
Haydovchilardan aylanma yo‘llardan foydalanishlari so‘ralmoqda.