TOShKENT, 26 avg — Sputnik. O‘zbekiston Qatarning korrupsiyaga qarshi kurashish idoralari bilan o‘zaro tajriba almashadi. Bu haqda Korrupsiyaga qarshi kurashish agentligi direktori Akmal Burxanov ma’lum qildi.
Qayd etilishicha, O‘zbekiston va Qatar o‘rtasida korrupsiyaga qarshi kurashish bo‘yicha hamkorlik aloqalari yo‘lga qo‘yiladi.
“BMTning korrupsiyaning oldini olish bo‘yicha maxsus vakili, Qatar davlati Qonun ustuvorligi va korrupsiyaga qarshi kurash markazi vasiylar kengashi raisi Ali bin Fetais al Marriy bilan O‘zbekiston va Qatar o‘rtasida korrupsiyaga qarshi kurashish bo‘yicha hamkorlik aloqalarini yo‘lga qo‘yish, Qatarning korrupsiyaga qarshi kurashish idoralari bilan o‘zaro tajriba almashishga kelishib oldik”, deb yozadi Akmal Burxanov o‘zining Telegram-kanalida.
O‘zbekiston Qatar bilan korrupsiyaga qarshi kurashishda o‘zaro tajriba almashadi
© Agentstvo po protivodeystviyu korrupsii
Qo‘shimcha qilinishicha, BMT shafe’ligida o‘tkaziladigan korrupsiyaga qarshi kurashish bo‘yicha maxsus xalqaro mukofot bilan taqdirlash marosimini 2023-yilda Toshkent shahrida o‘tkazish masalasini muhokama qilingan.