TOShKENT, 23 avg — Sputnik. Rossiya harbiylari Moskvada Ukrainaning uchta dronining hujum qilishga urinishini to‘xtatdi. Bu haqda Rossiya Mudofaa vazirligi ma’lum qildi, deb yozmoqda RIA Novosti.
Kiyev Moskvadagi obyektlarga uchta uchuvchisiz qurilma bilan hujum qildi. Ikkitasi havo hujumidan mudofaa kuchlari tomonidan urib tushirildi. Biri elektron kurashish vositasi bilan bostirildi va "Moskva Siti" majmuasi hududiga quladi, hech kim jabrlanmadi.
“23 avgust kuni tunda havo hujumiga qarshi mudofaa kuchlari Kiyev rejimining Moskva shahriga uch samolyot tipidagi uchuvchisiz uchish apparati tomonidan terrorchilik hujumi uyushtirishga qaratilgan navbatdagi urinishining oldi olindi”, - deyiladi vazirlik xabarida.
Mudofaa vazirligi ma’lumotlariga ko‘ra, uchinchi uchuvchisiz qurilma elektron kurashish vositasi yordamida bostirildi va boshqaruvni yo‘qotib, qurilayotgan "Moskva Siti" majmuasi binosi bilan to‘qnashdi.
Moskva meri Sergey Sobaninning so‘zlariga ko‘ra, hozirda favqulodda xizmatlar Moskva shahri hududini tekshirmoqda, zarba natijasida qo‘shni ikkita besh qavatli binoning bir nechta oynalari singan.