TOShKENT, 23 avg – Sputnik. YeOIIda yagona biologik xavfsizlik tizimi yaratish kerak, dedi Rossiya Fanlar akademiyasi akademigi Gennadiy Onishenko.
"Yevroosiyo iqtisodiy ittifoqi mamlakatlarida biologik xavfsizlik sohasida yagona siyosat va nazorat tizimini ishlab chiqishi kerak, buni yaqinda ro‘y bergan koronavirus pandemiyasi ham tasdiqladi", - dedi shifokor.
Akademik, shuningdek, YeOII mamlakatlarida tovarlar, xizmatlar va ishchi kuchining umumiy bozori ishlayotgani kabi bosqichma-bosqich yagona sog‘liqni saqlash tizimiga o‘tish kerakligi ham ta’kidladi. Uning fikricha, bu jarayon birdaniga emas evolyutsion tarzda bo‘lib o‘tishi kerak.
"Biz yagona standart yaratmaymiz, lekin biz sog‘liqni saqlash tuzilmalarini iloji boricha yaqinlashtirishimiz mumkin, eng muhimi, barcha besh mamlakatda sog‘liqni saqlashga yagona g‘oyasi va yondashuvi bo‘lishi kerak", - deydi Gennadiy Onishenko.
Bu jarayonning muhim vositalaridan biri bu ummumittifoq tomonidan qabul qilinadigan hujjatlardir. Masalan Yevroosiyo iqtisodiy komissiyasi (YeIK) turli tarmoqlari bo‘yicha 70 dan ortiq millatlararo hujjatlarni ishlab chiqdi va ular qabul qilingan.
“YeOII mamlakatlari bioxavfsizligi” mavzusidagi videoko‘prik Ostona, Bishkek, Yerevan, Minsk va Moskva jurnalistlari ishtirokida bo‘lib o‘tdi. Videoko‘prik Sputnik Qozog‘iston multimedia matbuot markazi saytida bo‘lib o‘tdi.