TOShKENT, 22 avg — Sputnik. Buxoroda ko‘makka muhtoj oilalarning 5 nafar farzandiga sunnat to‘yi qilib berildi. Bu haqda Vobkent tuman hokimligi axborot xizmati ma’lum qildi.
© Informatsionnaya slujba xokimiyata Vobkentskogo rayona
Tuman hokimligi va tadbirkor Ne’mat Tohirov tomonidan kam ta’minlangan, ko‘makka muhtoj va boquvchisini yo‘qotgan, “Temir daftar”, “Ayollar daftari”ga kiritilgan oilalarning 5 nafar farzandiga sunnat to‘ylari o‘tkazib berildi.
Tadbirda bolalar kelajakda vatan rivoji uchun xizmat qiladigan komil shaxs bo‘lib kamol topishiga ishonch bildirildi.
Tadbirda to‘y bolalarning har biriga velosiped, bosh-oyoq sarpo hamda boshqa qimmatbaho sovg‘alar topshirildi.
© Informatsionnaya slujba xokimiyata Vobkentskogo rayona
Bolalarning ota-onalari ushbu tadbirni tashkillashtirganlarga o‘z minnatdorliklarini izhor qildi.