Shavkat Mirziyoyev rafiqasi bilan birga Budapeshtga keldi — video

Prezident va Ziroat Mirziyoyevani mamlakat rasmiylari kutib olishdi.
Sputnik
TOShKENT, 19 avg — Sputnik. Prezident Shavkat Mirziyoyev rafiqasi bilan birga Budapeshtga keldi, deya xabar berdi davlat rahbari matbuot xizmati.
Shavkat Mirziyoyev Vengriya Bosh vaziri Viktor Orbanning taklifiga binoan amaliy tashrif bilan ushbu mamlakatga keldi. Davlat rahbari Budapesht shahrida Vengriya Bosh vaziri bilan muzokara o‘tkazadi.
Vengriyaning davlat bayrami – avliyo Ishtvan kuniga bag‘ishlangan tadbirlarda ishtirok etish hamda yengil atletika bo‘yicha jahon chempionatining final bellashuvlarini kuzatish rejalashtirilgan.