TOShKENT, 19 avg — Sputnik. Havo floti kuni munosabati bilan Toshkent viloyatida aviashoular bo‘lib o‘tmoqda, deya xabar berdi Mudofaa vazirligi.
Har yili avgust oyining uchinchi yakshanbasi Havo floti kuni nishonlanadi. Sana munosabati bilan Chirchiqda bayram tadbiri tashkil etildi.
Toshkent viloyatida joylashgan “Chirchiq” poligonida Havo hujumidan mudofaa qo‘shinlari va Harbiy havo kuchlari mutaxassislari kuni munosabati bilan ko‘rgazmali aviashoular bo‘lib o‘tmoqda.
Hududdagi markaziy maydonda kasb bayramini nishonlayotgan Havo hujumidan mudofaa qo‘shinlari va Harbiy havo kuchlari qo‘mondonligi harbiy xizmatchilari, ularning oiala a’zolari, turli yoshdagi aviatsiya ixlosmandlari jam bo‘ldi.
"Kun mobaynida hamurtlarimiz harbiy aviatsiya texnikalari, turli uchish apparatlarining parvozini tomosha qilishi mumkin", deyiladi xabarda.
Shuningdek, Mudofaa vazirligi Havo hujumidan mudofaa qo‘shinlari va Harbiy havo kuchlari qo‘mondonligi Havo floti kuni munosabati bilan Chirchiq osmonida UZAIRFORCE yozuvini hosil qildi. Jarayon H-215 “Super Puma”vertolotida amalga oshirildi.