TOShKENT, 17 avg — Sputnik. O‘zbekistonda 2023-yilning 1-yanvar holatiga internet tarmog‘iga ulangan abonentlar soni 26,7 milliontani tashkil etgan. Bu haqda Statistika agentligi ma’lumotlari darak bermoqda.
Bu ko‘rsatkich o‘tgan yilning mos davri bilan solishtirilganda 16,3 foizga oshgan.
Hududlar orasida internet tarmog‘iga ulanganlar soni:
eng ko‘p abonentlar soni Toshkent shahrida - 5,4 mln;
eng kam abonentlar soni Sirdaryo viloyatida - 0,7 mln.
Eslatib o‘tamiz, 2023-yil 1-iyul holatiga ko‘ra, O‘zbekiston aholisi 36,4 mln nafarni tashkil etgan.