TOShKENT, 15 avg — Sputnik. Ukraina armiyasi Rossiya kuchlarining zarbasi tufayli Xarkov yaqinida chekinishni boshladi, deydi AQSh Markaziy razvedka boshqarmasining sobiq agenti Larri Jonson jurnalist Stiven Gardnerga bergan intervyusida.
“Hozir Rossiya Xarkov yaqinida hujum boshladi va keng frontga jiddiy bosim o‘tkazmoqda. Ukraina aholini evakuatsiya qilmoqda, Ukraina Qurolli kuchlari esa chekinmoqda”, - deydi ekspert.
Unga ko‘ra, Kiyevda bunday hujumni to‘xtatish uchun yetarlicha qurol va o‘q-dorilar yo‘q.
“Bundan tashqari, Ukraina armiyasi jangni davom ettirish uchun zarur bo‘lgan kontrbatareya kurashi olib borish uchun radar tizimlari va raketaga qarshi mudofaa tizimlariga ega emas”, - dedi Jonson.
Avvalroq Rossiya Mudofaa vazirligi harbiylar Kupansk yo‘nalishida hujumni davom ettirayotgani haqida xabar bergan edi.
Avgust oyi boshida Mudofaa vazirligi Kupansk yo‘nalishidagi Novoselovskoe qishlog‘i ozod qilinganini e’lon qildi. 8-avgust kuni Xarkov viloyati ma’muriyati rahbari Vitaliy Ganchev Rossiya harbiylari so‘nggi kunlarda mintaqadagi yana beshta aholi punktini ozod qilganini ma’lum qildi.