TOShKENT, 15 avg — Sputnik. AQSh biologik qurol dasturlari doirasida Ukrainada biolaboratoriyalar yaratdi. Bu haqda Demokratik partiyadan prezidentlikka nomzod kichik Robert Kennedi ma’lum qildi, deb yozmoqda RIA Novosti.
“Ukrainada biolaboratoriyalarimiz bor, chunki biz bioqurollarni ishlab chiqapmiz va bu qurollar barcha turdagi yangi sintetik biologiya CRISPR texnologiyasidan va oldingi avlod uchun mavjud bo‘lmagan genetik muhandislik usullaridan foydalanadi”, - deydi siyosatchi.
Uning ta’kidlashicha, 2001-yilda Qo‘shma Shtatlar yana bioqurollarga katta miqdorda mablag‘ sarflay boshladi, ammo "Jeneva konvensiyasini buzish jinoyatdir" deb xavotirda edi, shuning uchun biologik xavfsizlikni boshqarish Sog‘liqni saqlash vazirligidagi boshqarmaga o‘tkazildi.
Kennedi har bir bioqurol ishlab chiqilishiga vaksina kerakligini qo‘shimcha qildi, chunki bioqurollarni "100% hollarda" joylashtirishda teskari yo‘nalishda harakat qilish imkoniyati mavjud.
Eslatib o‘tamiz, avvalroq Xitoy yana bir bor AQShni boshqa mamlakatlardagi harbiy-biologik faoliyatiga oydinlik kiritishga chaqirgan edi. Shuningdek, Rossiya Qurolli kuchlari Radiatsiya, kimoviy va biologik himoya kuchlari (RKBH) boshlig‘i general-leytenant Igor Kirillov AQSh o‘z ittifoqchilari ko‘magida yuqumli kasalliklar qo‘zg‘atuvchilarini samarali qo‘llash usullarini izlashga qaratilgan keng ko‘lamli harbiy-biologik tadqiqotlarni amalga oshirayotganini ma’lum qilgan edi.