TOShKENT, 15 avg – Sputnik. Yevroosiyo iqtisodiy ittifoqi (YeIK) Xitoy bilan elektron tijoratni rivojlantirishni rejalashtirmoqda. Hamkorlikning ushbu yo‘nalishini rivojlantirish masalalari YeIK va Xitoyning Rossiyadagi elchixonasi vakillari uchrashuvida muhokama qilindi.
Xususan, tomonlar elektron tijorat orqali YeOII hududiga olib kirilayotgan chakana tovarlar uchun boj olinmaydigan chegarani kamaytirish va QQS undirish, ularni bojxona rasmiylashtiruvidan o‘tkazish masalalarini muhokama qildi.
“YeIK ittifoqning yetakchi savdo hamkorlari va integratsiya birlashmalari bilan savdo-iqtisodiy aloqalarini rivojlantirishga, shu jumladan, YeOII va Xitoy o‘rtasidagi transchegaraviy elektron tijoratni barqaror rivojlantirishga jiddiy e’tibor qaratadi”, — dedi YeIK Bojxona qonunchiligi departamenti rahbari Sergey Vladimirov.
Uning so‘zlariga ko‘ra, zamonaviy sharoitda onlayn savdoni bojxona ma’muriyatchiligining samarali mexanizmi katta iqtisodiy ahamiyatga ega.
Eslatib o‘tamiz, 2023-yilda YeIK Hay’ati YeOII hududida elektron tijorat to‘g‘risidagi shartnoma loyihasini va Ittifoqning bojxona kodeksi to‘g‘risidagi bitimga o‘zgartirishlar kiritishni qabul qilgan bo‘lib, unda a’zo mamlakatlar fuqarolarining onlayn-tijoratini huquqiy tartibga solish nazarda tutilgan.