TOShKENT, 14 avg — Sputnik. “Armiya-2023” xalqaro harbiy-texnika forumida tashkilotchilar qo‘lga kiritilgan NATO texnikasini namoyish etadi. Bu haqda RIA Novosti o‘z manbasiga tayangan holda xabar bermoqda.
“Forum doirasida Ukrainadagi maxsus harbiy operatsiya davomida rossiyalik harbiy xizmatchilar tomonidan qo‘lga kiritilgan NATO texnikasini namoyish etish rejalashtirilmoqda”, — degan manba.
Uning aniqlik kiritishicha, ko‘rgazmada G‘arb zirhli texnikasining bir nechta namunalari, jumladan, piyoda askarlarning jangovar mashinalari namoyish etiladi.
Rossiya harbiylari maxsus harbiy operatsiya hududida "Leopard" va "AMX" tanklari, "Bradley" piyodalarning jangovar mashinalarini o‘lja sifatida qo‘lga kiritgan.
“Visokotochnie kompleksi” xoldingining ta’kidlashicha, mutaxassislar olti turdagi xorijiy texnika bilan tanishishga muvaffaq bo‘lgan. RIA Novosti manbasiga ko‘ra, rossiyalik mudofaa mutaxassislari NATO texnikasining yaxshi zirhli himoyasini qayd etishgan, biroq uning harakatchanligi va ta’mirga muhtojligi hamda tuzilishining haddan tashqari murakkabligi va mehnat talab qiladigan boshqaruv kabi xususiyatlariga e’tibor qaratishgan.