TOShKENT, 9 avg — Sputnik. Ukraina Qurolli kuchlarining (UQK) G‘arb umidlarini oqlamagan qarshi hujumi Kiyev ittifoqchilari orasidagi ixtilofga olib kelishi mumkin. Bu haqda CNN telekanali o‘z manbalariga tayangan holda xabar bermoqda.
Uning ma’lumotlariga ko‘ra, G‘arb rasmiylari “qarshi hujumdan bo‘lgan umid va haqiqiy natijalar o‘rtasidagi o‘sib borayotgan farq” Kiyev va G‘arb mamlakatlari o‘rtasida o‘zaro ayblovlarga hamda alyans ichidagi ixtilofga olib kelishidan xavfsirashmoqda.
“Muammo, albatta, ukrainlar keyin aybni (o‘z muvaffaqiyatsizliklari uchun) bizga ag‘darishlaridan iborat”, - degan yuqori martabali g‘arblik diplomat.
Rossiya Mudofaa vazirligi Ukraina armiyasi 4-iyundan buyon qarshi hujum uyushtirishga muvaffaqiyatsiz urinib kelayotganini ma’lum qilgan. Vazirlik ma’lumotlariga qaraganda, ikki oy ichida UQK 43 mingdan harbiysi va 5 mingtacha turli qurol-yarog‘i, jumladan, 26 ta samolyot va 25 ta “Leopard” tankini yo‘qotgan. Rosssiya prezidenti Vladimir Putin Ukraina qo‘shinlari hech bir yo‘nalishda muvaffaqiyatga erisha olmaganini ta’kidlagan.