TOShKENT, 3 avg — Sputnik. Polshaning Shetsin shahri Dombe tumanida Polshani fashizmdan ozod qilgan sovet va Polsha askarlari xotirasiga o‘rnatilgan yodgorlik buzib tashlanmoqda. Bu haqda Polsha Milliy xotira instituti xabar qildi.
“Dombe uchun janglarda halok bo‘lganlar” haykali 1945-yilda Shetsinning sharqiy hududlarini ozod qilishdagi janglarda halok bo‘lgan Polsha va sovet askarlari xotirasiga 1962-yilda o‘rnatilgan edi. Ikki askar qiyofasi tasvirlangan haykal xiyobon markazidagi asosiy yo‘lda joylashgan edi.