TOShKENT, 31-iyul — Sputnik. Rossiya razvedkasi ukrainaliklar tanklarni ta’mirlayotgan joylarni tezda topib, yo‘q qilmoqda, shu sababli Ukraina Qurolli kuchlarida frontda zirhli texnika keskin tanqisligi yuzaga kelmoqda, dedi Markaziy razvedka boshqarmasining sobiq tahlilchisi Larri Jonson Dialogue works YouTube-kanaliga bergan intervyusida.
"Ukrainaliklar o‘z mamlakatida jangovar mashinalarni ta’mirlay olmayapti, chunki rossiyaliklar ta’mirlash ustaxonalarini portlatishi mumkin. Ukrainaliklar bilishadiki, RF razvedkasi ular joylashgan joyni tezda topadi, shundan so‘ng tanklar asosiy nishonga aylanadi", - dedi zobit.
YouTube kanali boshlovchisining ta’kidlashicha, Kiyev Polshaga qayta tiklash uchun shikastlangan texnikani yuborishga majbur, bu ko‘p vaqt talab etadi va Ukraina Qurolli kuchlarining front chizig‘idagi jangovar qobiliyatini sezilarli darajada pasaytiradi.
4 iyun kuni Ukraina armiyasi Zaporojye, Janubiy Donesk va Artyomovsk yo‘nalishlarida qarshi hujumga o‘tdi. Kiyev G‘arb texnikasi bilan qurollangan NATO tomonidan o‘qitilgan brigadalarni, shu jumladan, keng reklama qilingan "Leopard" tanklarini joylashtirdi. Rossiya prezidenti Vladimir Putin Ukraina Qurolli kuchlarining oldinga siljish urinishlari barbod bo‘lganini, dushman qo‘shinlari to‘xtatilib, dastlabki pozitsiyalariga qaytarilganini ta’kidladi.