TOShKENT, 24-iyul — Sputnik. AQShning sobiq prezidenti Donald Tramp Pentagonda artilleriya o‘q-dorilari yetishmasligini tan olgan Oq uy rahbari Jo Baydenni tanqid qildi.
Avvalroq Bayden Ukraina Qurolli kuchlariga kassetali o‘q-dorilar yetkazib berish G‘arb davlatlari oddiy snaradlar ishlab chiqarishni ko‘paytirguniga qadar vaqtinchalik chora ekanligini ma’lum qilgandi.
Trampning “Fox News” telekanaliga bergan intervyusida ma’lum qilishicha, hozir yadroviy quroldan foydalanish xavfi tufayli AQSh tarixidagi “eng xavfli davr”.
“Bizning inson (rahbar - tahr.) esa nima qilayotganini tushunmayapti. Bu inson o‘rnidan turib, butun dunyoga o‘q-dorilarimiz yo‘qligini aytdi”, — dedi sobiq prezident.
Siyosatchining so‘zlariga ko‘ra, uning vakolat muddati tugagan paytda AQShdagi harbiy omborlar “bo‘g‘zigacha to‘ldirilgan edi”.
“Biz bularning hammasini bergandik. Agar hammasini tarqatgan bo‘lsang — bu dahshatli holat. Bundan ham yomonroq yagona narsa, bu haqda butun dunyoga aytish. U Xitoy va boshqa dushman davlatlarga bizda o‘q-dori yo‘qligini aytdi <...> O‘ylab ko‘ring. Qanday qilib shunchalik ahmoq bo‘lish mumkin?” – deya savol bilan yuzlangan Tramp.