TOShKENT, 24-iyul — Sputnik. Bugun ertalab Kiyev rejimi Moskvadagi obyektlarga ikkita dron bilan terrorchilik hujumi amalga oshirishga uringan, ikkalasi ham radioelektron kurash tizimi yordamida bostirilgan, qurbonlar yo‘q, deb xabar qildi Rossiya Mudofaa vazirligi.
24 iyul kuni ertalab Kiyev rejimining ikki uchuvchisiz uchish apparati tomonidan Moskva shahridagi obyektlarga terrorchilik hujumi uyushtirishga urinishi oldi olindi. Ukrainaning ikkita droni radioelektron kurash tizimi yordamida bostirildi va ular qulab tushdi, - deyilgan vazirlik xabarida.
Jabrlanganlar yoki qurbonlar yo‘q.
Avvalroq Moskva meri Sergey Sobanin ertalab soat 4 larda dronlar 2 ta noturar joy binosiga zarba bergani, jiddiy vayronagarchiliklar va qurbonlar yo‘qligini ma’lum qilgandi.
Poytaxt deptrans idorasi, Komsomolskiy prospekti va Lixachev prospektidagi transport harakati to‘sib qo‘yilganini ma’lum qildi. RIA Novosti muxbirining xabar berishicha, Lixachev prospekti, 15-uyda joylashgan “Lerua Merlen” binosi yonida tez yordam, politsiya va o‘t o‘chirish mashinalari ko‘rinib turibdi. FSB mashinasi ham kelgan.
Bu Kiyev rejimining Moskvaga uchuvchisiz samolyotdan hujum uyushtirishga birinchi urinishi emas. Xususan 4-iyul kuni poytaxt viloyatida beshta dron urib tushirildi: ikkita UAV Valuyevo qishlog‘i yaqinida yo‘q qilindi, ular ochiq maydonga qulab tushdi va yana biri Kubinka viloyatida. Havo hujumidan mudofaa tizimi Yangi Moskvada yana ikkita dronni urib tushirdi.