TOShKENT, 21-iyul — Sputnik. Rossiya prezidenti Vladimir Putin Ukrainadagi mojaroga yangi mamlakatlarga jalb etishga urinayotgan G‘arbning “juda xavfli o‘yini” oqibatlaridan ogohlantirdi.
Rossiya Xavfsizlik kengashining doimiy a’zolari bilan yig‘ilishda Putin Litva-Polsha-Ukraina qo‘shinlari brigadasini tuzish to‘g‘risidagi rejalarga munosabat bildirdi.
“Bir narsani aytaman – bu juda xavfli o‘yin. Bunday reja mualliflari uning oqibatlari haqida o‘ylashlari kerak”, - dedi Rossiya rahbari.
Putin Rossiya Tashqi razvedka xizmati rahbariga murojaat qilib, uning xizmati boshqa maxsus xizmatlar singari voqealar rivojini kuzatib borishiga umid bildirdi.