TOShKENT, 20-iyul — Sputnik. Odessa, Lvov va Nikolayevda kuchli portlashlar yuz berdi, deb xabar qildi Ukrainaning "Strana.ua" nashri.
"Odessa, Lvov va Nikolayevda kuchli portlash bo‘lgani haqida xabar berilmoqda. Hududda trevoga signali e’lon qilinmagan", - deyilgan xabarda.
Shuningdek, tunda Odessa va Sumida ikkinchi marta portlashlar sodir bo‘ldi.
"Sumida portlash ovozlari eshitilmoqda. <...> Odessada yangi portlashlar", - deyilgan nashrlarda.
Xuddi shunday holat Nikolayev shahri va viloyatida ham kuzatilgan.
Payshanba kuni Odessa va Sumida ham havo hujumi haqida ogohlantirish e’lon qilingan.
Rossiya Qurolli kuchlarining Ukraina infratuzilmasiga zarbalari Qrim ko‘prigida sodir etilgan teraktdan ikki kun o‘tib boshlangan, uning ortida, Rossiya rasmiylariga ko‘ra, Ukraina maxsus xizmatlari turibdi.
Zarbalar butun mamlakat bo‘ylab energetika, mudofaa sanoati, harbiy qo‘mondonlik va aloqa obyektlariga berilgan. O‘shandan beri Ukraina hududlarida har kuni, ba’zan butun mamlakat bo‘ylab havo hujumi haqida ogohlantirishlar e’lon qilinmoqda.