O‘zbekistonlik paraatletlar jahon chempionatida 17 ta medalga sazovor bo‘ldi

TOShKENT, 19-iyul — Sputnik. Parijda 8−17 iyul kunlari para yengil atletika bo‘yicha jahon chempionati bo‘lib o‘tdi va unda O‘zbekiston terma jamoasi 17 ta medal — 6 ta oltin, 7 ta kumush va 4 ta bronza medaliga sazovor bo‘ldi. Bu haqda Milliy olimpiya qo‘mitasi matbuot xizmati xabar berdi.

Oltin:

Doniyor Saliyev — T12 klassida uzunlikka sakrash;

Izzat Turg‘unov — T36 klassida uzunlikka sakrash;

Husniddin Norbekov — F35 klassida yadro uloqtirish;

Bobirjon Omonov — F41 klassida yadro uloqtirish;

Nurxon Qurbonova — F54 klassida nayza uloqtirish;

Asilya Mirzayorova — T11 klassida uzunlikka sakrash.

Kumush:

Yorqinbek Odilov — F57 klassida nayza uloqtirish;

Qudratillaxon Ma’rufxo‘jayev — F37 klassida yadro uloqtirish;

Mohigul Hamdamova — F57 klassida disk uloqtirish;

Nozimaxon Qayumova — F13 klassida nayza uloqtirish;

Yoqutxon Xolbekova — T12 klassida uzunlikka sakrash;

Safiya Burxonova — F12 klassida yadro uloqtirish;

Kubaro Hakimova — F41 klassida yadro uloqtirish.

Bronza:

Elbek Sultonov — F12 klassida yadro uloqtirish;

Tolibboy Yo‘ldoshev — F37 klassida yadro uloqtirish;

Dilafruzxon Axmatxonova — F35 klassida yadro uloqtirish;

Nurxon Qurbonova — F54 klassida yadro uloqtirish.

Bu natija bilan O‘zbekiston paraatletlari umumjamoa hisobida sakkizinchi o‘rinni egalladi. Qolaversa, 2024-yilda Parijda bo‘lib o‘tadigan Paralimpiya o‘yinlariga 19 ta yo‘llanmani qo‘lga kiritdi.