TOShKENT, 17-iyul — Sputnik. “Vostok” guruhi artilleriyachilari Ukraina harbiylarining Janubiy Donesk yo‘nalishidagi hududlardan birida uyushtirgan hujumini bartaraf etdi. Bu haqda “Vostok” guruhi matbuot markazi rahbari Oleg Chexov RIA Novostiga ma’lum qildi.
“Praporshik Xanmirzayev tomonidan olib borilgan jangovar harakatlar jarayonida otishmani samarali va o‘z vaqtida yo‘naltirish artilleriyachilarga dushmanning qo‘mondonlik va kuzatuv punktiga zarba berish, o‘ndan ortiq millatchilarni yo‘q qilish imkonini berdi. Natijada Ukraina qo‘shinlarining qo‘mondonlik-nazorat tizimi frontning bu hududida to‘xtatildi, dushman hujumining oldi olindi”, — deya ma’lum qildi Chexov.
Uning aniqlik kiritishicha, “Vostok” guruhi moto-jangchi brigadasi o‘ziyurar artilleriya komandiri, praporshik Alimagomed Xanmirzayev qo‘l ostidagi tarkib bilan dushmanga qarshi o‘t ochish bo‘yicha topshiriqlarni bajargan. O‘sha paytda UQK Janubiy Donesk yo‘nalishidagi uchastkalardan birida Rossiya qo‘shinlarining mudofaasini buzib o‘tishga urinishgan.
Chexovning so‘zlariga ko‘ra, “Vostok” qo‘shinlari guruhi harbiy xizmatchilari jangovar topshiriqlarni mardona bajarib, qahramonlik ko‘rsatmoqda.