TOShKENT, 14-iyul — Sputnik. Toshkent shahri bo‘ylab harakatlanadigan yana 32 ta yo‘nalishdagi avtobuslarda kunlik reja bekor qilindi. Bu haqda “Toshshahartransxizmat” AJ axborot xizmati xabar berdi.
Ma’lum qilinishicha, iyul oyidan boshlab 17 t, 20, 73, 86, 98, 101, 146, 140, 130, 129, 116, 82, 68, 63, 61, 55, 52, 45, 43, 41, 39, 9 t, 8, 125, 151, 133, 138, 153, 154, 181, 183, 104-sonli avtobus yo‘nalishlarida xizmat ko‘rsatish yangi turdagi brutto-shartnoma asosida amalga oshirila boshladi.
Eslatib o‘tamiz, fevral oyida shahar avtobus yo‘nalishlarida cheklangan tariflar bo‘yicha yo‘lovchilar tashishni brutto-shartnoma asosida tashkil etish va moliyalashtirish tizimi bosqichma-bosqich joriy etilishi ma’lum qilingan edi. Maydan 5, 11, 18, 19, 37, 44, 67, 77, 83, 136, 139, 142, 72 va 81, iyundan esa 27, 51, 69, 94, 100, 131, 185-sonli avtobus yo‘nalishlari brutto-shartnomalarga o‘tkazilgan edi.
Ma’lumot uchun, brutto-shartnoma tizimi – yo‘nalishlarda cheklangan tariflarda yo‘lovchi tashish xizmatlari uchun “bosib o‘tilgan yo‘l” va “sifat” mezonlaridan kelib chiqqan holda hisob-kitob qilishni nazarda tutuvchi vakolatli organ va tashuvchi o‘rtasida tuzilgan shartnoma.