TOShKENT, 10-iyul — Sputnik. Prezident saylovining dastlabki natijalariga ko‘ra, saylovda O‘zbekiston Liberal-demokratik partiyasidan (O‘zLiDeP) nomzod Shavkat Mirziyoyev g‘alaba qozondi. Bu haqda Markaziy saylov komissiyasi raisi Zayniddin Nizamxodjayev ma’lum qildi.
Mirziyoyev 87,05 foiz ovoz olib, O‘zbekiston prezidenti etib saylandi.
Eslatib o‘tamiz, kecha, 9-iyul kuni, muddatidan ilgari O‘zbekiston prezidenti saylovi bo‘lib o‘tdi. Davlat rahbari kursisi uchun Ekopartiyadan Abdushukur Hamzayev, Xalq-demokratik partiyasidan Ulug‘bek Inoyatov, "Adolat" sotsial-demorkatik partiyasidan Robaxon Mahmudova, O‘zbekiston Liberal-demokratik partiyasidan (O‘zLiDeP) amaldagi davlat rahbari Shavkat Mirziyoyev o‘zaro kurash olib borishdi. Dastlabki ma’lumotlarga ko‘ra, saylovda 79,88 foiz yoki 15 651 405 nafar saylovchi ishtirok etdi.
