TOShKENT, 5-iyul — Sputnik. Rubl kursi hozirda tashqi savdo dinamikasi ta’sirida pasayib bormoqda, dedi RF Markaziy banki rahbari Elvira Nabiullina Rossiya bankining Moliyaviy kongressida.
"Birinchi navbatda tashqi savdo dinamikasiga qarash kerak, bu ko‘p jihatdan valyuta kursining harakatini belgilaydi", — dedi Rossiya Markaziy banki raisi.
Uning ta’kidlashicha, 2023-yilning birinchi choragidagi ijobiy joriy hisob bir yil avvalgi eng yuqori ko‘rsatkichlardan besh baravar kam bo‘lgan.
"Hozir valyuta kursi dinamikasi proinflyatsiya xavfini keltirib chiqaradi, biz asosiy kurs bo‘yicha qaror qabul qilishda buni hisobga olamiz", — deb qo‘shimcha qildi Nabiullina.
Uning so‘zlariga ko‘ra, Rossiyada inflyatsiya zarbalari boshqa mamlakatlarga qaraganda tez-tez sodir bo‘ladi, ammo regulyatorga bo‘lgan ishonch o‘sib bormoqda, bu boshqa narsalar qatori, kreditlash dinamikasida ham o‘z aksini topmoqda.
"Xulosaga kelmoqdamizki, pul-kredit siyosati rejimi, inflyatsiyani targetlash va suzuvchi valyuta kursi, avvalambor, u o‘z samarasini tinch davrda ham, o‘tkir zarbalar davrida ham, biz hozir boshdan kechirayotgan tarkibiy o‘zgarishlar davrida ham ko‘rsatmoqda", - dedi MB rahbari.
Avvalroq payshanba kuni Moskva birjasida yevro kursi 101 rubldan oshdi, dollar kursi 93 rubldan oshdi – har ikki valyuta 2022-yil martidan beri birinchi marta bu darajaga yetdi.
6-7 iyul kunlari Sankt-Peterburgda Rossiya bankining moliyaviy kongressi bo‘lib o‘tmoqda. RIA Novosti kongressning bosh media hamkori sifatida ishlamoqda.