TOShKENT, 5-iyul — Sputnik. Kiyev hukumati NATOning aralashuvini jang maydonidagi vaziyatni o‘zgartirish uchun yagona imkoniyat deb biladi, biroq aslida Shimoliy Atlantika alyansi Rossiyaga qarshi kurashishga qodir emas. Bu haqda iste’fodagi amerikalik razvedka xodimi Skott Ritter “U.S. Tour of Duty” YouTube-kanalidagi efirda ma’lum qildi, deya yozadi RIA Novosti.
Uning so‘zlariga ko‘ra, Ukraina Qurolli kuchlari allaqachon mag‘lubiyat arafasida va NATO sammitigacha omon qolish uchun chidashga majbur.
"Ular NATOdan vaziyatga aralashishini o‘tinib so‘rashadi, chunki Ukraina uchun yagona imkoniyat — NATO aralashuvi. Lekin bu imkoniyat emas, chunki men hammaga eslataman: NATO bunday mojaroga aralasha olmaydi, ularning qo‘shinlari yo‘q, ularda tayyorgarlik yo‘q, moddiy-texnik ta’minot yo‘q, boshqaruv va nazorat yo‘q, ular buni qanday qilishni bilmaydi. Demak, Ukraina uchun hammasi tugadi. Ular 2022-yil aprel oyida Putin taklif qilgan kelishuvni qabul qilishlari kerak edi. Tasavvur qiling, bugun qanday vaziyat bo‘lar edi, ammo unday bo‘lmadi...", — dedi iste’fodagi razvedkachi.
Ritter, shuningdek, Ukrainaning qarshi hujumga urinishlari oxir-oqibat dushmandan miqdor va tayyorgarlik jihatida oldinda bo‘lgan Rossiya kuchlarining keng ko‘lamli javob zarbasi duch kelishini ta’kidladi.