TOShKENT, 29-iyun — Sputnik. Rossiyaning “Lanset” droni Ukraina qurolli kuchlari uchun eng katta tahdidlardan biri hisoblanadi, deb yozadi sharhlovchi Piter Suchiu “19FortyFive” uchun maqolasida.
“Rossiya mos nishonlarni qidira oladigan va halokatli aniq zarbalar bera oladigan kamikadze dronlardan foydalanishga ko‘proq e’tibor qaratmoqda”, - deyiladi materialda.
Maqola muallifining ta’kidlashicha, Rossiya droni juda samarali va tejamkor qurol bo‘lib, undan razvedka va dushman kuchlariga hujum qilishda foydalanish mumkin. Muallif shuningdek, uning yengilligi - 12 kilogrammligini qayd etgan.
“Lanset” tobora Ukraina qo‘shinlari uchun eng katta tahdidlardan biri sifatida ko‘rilmoqda”, - dedi sharhlovchi.
Avvalroq “France-Presse” agentligi Rossiya armiyasi dronlar va artilleriya imkoniyatlaridan foydalanish bo‘yicha Ukraina qo‘shinlaridan miqdor va sifat jihatidan oldinda ekanligi haqida xabar bergan edi.