TOShKENT, 26-iyun — Sputnik. O‘zbekiston tashqi ishlar vaziri Baxtiyor Saidov Sirdaryo viloyatining Guliston shahrida o‘tkazilgan O‘zbekiston-Xitoy biznes forumida ishtirok etdi. Bu haqda Saidov Telegram kanalida ma’lum qildi.
© Baxtiyor Saidov
“Bugun Sirdaryo viloyatining Guliston shahrida O‘zbekiston-Xitoy biznes forumi o‘z ishini boshladi. Ikki mamlakatning 130 dan ortiq kompaniyasining 300 dan ziyod vakillari biznes imkoniyatlarni o‘rganmoqda. Qayd etish joizki, O‘zbekiston va Xitoy o‘rtasidagi o‘zaro savdo hajmi har yili 20-30 foizga ortib bormoqda. Mazkur forum yanada sezilarli natijalar berishiga ishonchimiz komil”, - deb yozib qoldirgan Saidov kecha, 25-iyun kuni.
© Baxtiyor Saidov
Shuningdek, Saidov Sirdaryoda bir qator maktab o‘qituvchilari va direktorlari bilan uchrashdi. Ularga muhim o‘quv qurollari – noutbuklar, printerlar, elektron doskalar va boshqa jihozlar topshirildi.
© Baxtiyor Saidov
© Baxtiyor Saidov