TOShKENT, 26-iyun — Sputnik. “Vagner” xususiy harbiy kompaniya rahbari Yevgeniy Prigojinga qarshi qurolli ison uyushtirish bo‘yicha jinoiy ish yopilgani yo‘q, deb xabar berdi RIA Novosti agentligiga Bosh prokuraturadagi manba.
“Prigojinga nisbatan jinoiy ish tugatilgani yo‘q”, — dedi manba, boshqa tafsilotlarga aniqlik kiritmadi.
24 iyunga o‘tar kechasi “Vagner” kuchlari Rostov-Dondagi Janubiy harbiy okrugi shtab-kvartirasini egallab oldi. Bu Prigojinning Rossiya harbiylari xususiy harbiy kompaniyaning orqa lagerlariga raketa va bombali hujumlar uyushtirgani haqidagi bayonotlari fonida yuz berdi. Buni Mudofaa vazirligi ham, FXX ham rad etdi.
Vladimir Putin "vagnerchilar"ning harakatlarini jinoiy avantura deb atadi, Prigojinga qarshi qurolli ison uyushtirganlik uchun jinoiy ish ochildi.
Ertasi kuni Belarus prezidentining matbuot xizmati Aleksandr Lukashenko Prigojin bilan muzokaralar o‘tkazgani haqida xabar berdi, natijada “Vagner” jangarlarining Rossiya bo‘ylab yurishini to‘xtatish haqida taklifni qabul qildi.
Rossiya rahbarining matbuot kotibi Dmitriy Peskov shanba kuni kechqurun “Vagner” rahbari Belarusga jo‘nab ketishini va jinoiy ish to‘xtatilishini aytgandi.