TOShKENT, 25-iyun — Sputnik. Bugun butun O‘zbekiston bo‘ylab 23-iyun – Xalqaro Olimpiya kuni hamda 30-iyun – Yoshlar kuniga bag‘ishlangan “Yangi nafas” ommaviy yugurish musobaqasi o‘tkazildi. Bu haqda Milliy olimpiya qo‘mitasi xabar berdi.
© MOQ
Tadbir O‘zbekistonning 16 shahrini qamrab oldi. Toshkent shahridagi bahslar ham yuqori saviyada tashkil etildi.
© MOQ
© MOQ
Qayd etilishicha, ushbu musobaqada O‘zbekiston vakillaridan tashqari qo‘shni Qozog‘iston, Tojikiston va Qirg‘izistondan tashrif buyurgan sportchilar, qolaversa, O‘zbekistonda faoliyat olib borayotgan diplomatik korpus vakillari ham ishtirok etdi.
© MOQ
© MOQ
Ommaviy yugurish musobaqasida respublika bo‘yicha jami 60 mingdan ziyod ishtirokchi qatnashdi. Ular orasida 17 mingga yaqin talabalar, shuningdek, harbiy o‘quv yurtlarining kursantlari va bitiruvchilaridan iborat Vatan Qalqoni harbiy-vatanparvarlik guruhi ham bor.
Farg‘ona, Namangan, Buxoro, Samarqand, Nukus shaharlarida 1 milya (1609 metr) va 3 km, Andijon, Guliston, Nurafshon, Jizzax, Termiz, Navoiy, Qorovulbozor, Qarshi, Urganch va G‘uzor shaharlarida 3 km masofada bahslar bo‘lib o‘tdi.
© MOQ
“Humo arena” majmuasining oldidagi maydon mezbonlik qilgan Toshkent shahridagi bahslar esa 1 milya, 3 km va 10 km masofalarda tashkil etildi.
Bugun kechki dasturda Toshkent shahridagi “Milliy bog‘” maskanida poytaxtda o‘tgan musobaqaning g‘olib va sovrindorlarini taqdirlash marosimi bo‘lib o‘tadi.