TOShKENT, 23-iyun — Sputnik. Rossiya Qurolli kuchlari Ukraina qo‘shinlarining raketalarini saqlash joylariga zarba berdi, deb xabar berdi Rossiya Mudofaa vazirligi.
"Bugun tunda Rossiya Qurolli kuchlari Ukraina Qurolli kuchlarining raketa qurollari, shu jumladan, chet elda ishlab chiqarilgan qurollar saqlanadigan maydonlarga uzoq masofali havodan uchiriladigan yuqori aniqlikdagi qurollar bilan zarba berdi", — deyilgan vazirlik xabarida.
Barcha belgilangan obyektlarga zarba berildi.
Shuningdek, 5 ta HIMARS snaradlari va JDAM boshqariladigan bombalar, 11 ta dron va to‘rtta “Tochka-U” taktik raketalari havo hujumidan mudofaa vositasida yo‘q qilingani haqida ham ma’lum qilindi.
Maxsus harbiy operatsiya boshlangandan buyon hammasi bo‘lib 444 ta Ukraina harbiy samolyoti, 240 ta vertolot, 4751 ta dron, 426 ta zenit-raketa tizimi, 10 297 ta tank va boshqa zirhli jangovar mashinalar, 1 129 ta raketa tizimlariga ega jangovar mashina, 5 204 ta artilleriya va minomet, 11 126 dona maxsus harbiy texnika yo‘q qilingan.