TOShKENT, 23-iyun — Sputnik. Qrimning ko‘plab rusiyzabon aholisi 2014-yilda yarim orolning Rossiyaga qo‘shilish g‘oyasini qo‘llab-quvvatlagandi. Bu haqda AQShning sobiq prezidenti Barak Obama CNN telekanaliga bergan intervyusida ma’lum qildi.
“Qrimda rusiyzabonlar ko‘p edi va Rossiya taqdim etayotgan g‘oyalarni tushunish bor edi <...>, hatto Ukraina parlamentida Rossiyaning ayrim tarafdorlari bor edi, Ukraina ichidagi siyosat ham murakkabroq edi”, - dedi Obama. Uning so‘zlaridan RIA Novosti iqtibos keltirgan.
Siyosatchining qo‘shicha qilishicha, u va Germaniyaning sobiq kansleri Angela Merkelning Rossiyaga qarshi sanksiya kiritish uchun “qarshilik ko‘rsatgan va qichqirgan ko‘plab yevropaliklarni jalb qilishlariga to‘g‘ri kelgan”.
2014 yilning mart oyida Ukrainada amalga oshirilgan davlat to‘ntarishidan so‘ng o‘tkazilgan referendum yakunlariga ko‘ra Qrim Rossiya hududiga aylandi. Rossiya bilan birlashish uchun Qrim Respublikasidagi saylovchilarning 96,77 foizi va Sevastopol aholisining 95,6 foizi ovoz bergan. Moskva yarim orol aholisi xalqaro huquq va BMT nizomiga to‘la mos ravishda Rossiyaga demokratik yo‘l bilan qaytishga qaror qilganliklarini bir necha bor ta’kidlagan. Rossiya prezidenti Vladimir Putin so‘zlariga ko‘ra, Qrim masalasi butunlay yopilgan.