TOShKENT, 22-iyun — Sputnik. O‘zbekistondagi 14 ta Prezident maktablari bitiruvchilari uchun “Yangi O‘zbekiston yoshlari” nomli tantanali bitiruv kechasi tashkil etildi. Bu haqda Maktabgacha va maktab ta’limi vazirligi xabar berdi.
© Maktabgacha va maktab ta’limi vazirligi
Unda maktabgacha va maktab ta’limi vaziri Hilola Umarova ham ishtirok etdi.
© Maktabgacha va maktab ta’limi vazirligi
“Bugungi tadbirni so‘nggi qo‘ng‘iroq emas, balki oldindagi marralar tomon birinchi qadam deb hisoblang. Doimo eng yuksak cho‘qqilarni ko‘zlang, ulkan maqsadlarga intiling! Parvozingiz hamisha baland bo‘lsin!”, - dedi Hilola Umarova.
© Maktabgacha va maktab ta’limi vazirligi
Ta’kidlanishicha, 14 ta Prezident maktabi bitiruvchilari uchun 3 kunlik madaniy tadbirlar tashkil etilgan. Tadbir avvalida“MEHR” talabalar teatr studiyasi tomonidan “Usmon Nosir” nomli sahna asari namoyish etildi.
© Maktabgacha va maktab ta’limi vazirligi
Shuningdek, Prezident maktablari bitiruvchilari “Yangi O‘zbekiston” universiteti, “G‘alaba bog‘i” yodgorlik majmuasi va “Shon-sharaf” davlat muzeyi ekspozitsiyalarida bo‘lishdi.
© Maktabgacha va maktab ta’limi vazirligi