TOShKENT, 21-iyun — Sputnik. Chorshanba kuni ertalab Moskva viloyatidagi harbiy omborlarga yaqinlashayotgan 2 ta pilotsiz uchar apparat qulab tushdi, hech qanday vayronagarchilik va jarohatlanganlar yo‘q, deb ma’lum qildi viloyat gubernatori Andrey Vorobyov.
"Bugun ertalab soat 5.30 va 5.50 da ikkita samolyot tipidagi apparat harbiy qarshi ta’sir natijasida harbiy qismlardan birining omborlariga yaqinlashayotganda qulab tushdi", — deb yozdi u Telegram’dagi kanalida.
Dronlar parchalari topilgan, qurbonlar va jarohatlanganlar yo‘q. Vorobyov voqea joyida maxsus xizmatlar ishlamoqda, hudud o‘rab olingan, deya qo‘shimcha qildi Vorobyov va aholini xotirjamlikka chaqirdi.
30 may, seshanba kuni, Ukraina Moskvaga dronlar yordamida terrorchilik hujumini uyushtirdi. Rossiya Mudofaa vazirligi ma’lumotlariga ko‘ra, Kiyev 8ta samolyot tipidagi drondan foydalangan: 5 tasini Moskva viloyatidagi zenit qurollari urib tushirdi, 3 tasi radio-elektron vositalari yordamida bostirildi.
Prezident matbuot kotibi Dmitriy Peskov dron hujumini izohlar ekan, bu Kiyev rejimining Rossiyaning qaror qabul qilish markazlaridan biriga bergan samarali zarbalariga javobi ekanligini aytdi.