TOShKENT, 20-iyun — Sputnik. Amerikalik milliarder Ilon Mask tadbirkor Devid Saksning Ukraina Qurolli kuchlarining qarshi hujumi muvaffaqiyatsizlikka uchragani haqidagi fikriga qo‘shildi, deb yozmoqda RIA Novosti.
Saks "Twitter"da "Ukrainaning qarshi hujumi dastlab belgilangan maqsadlaridan birortasiga ham erishmayotgani kundan-kunga oydinlashmoqda", deb yozgan.
U, shuningdek, Rossiya va Ukraina o‘rtasida Istanbulda o‘tkazilgan muzokaralarni esga olib, bu mojaroga chek qo‘yishi mumkin edi, ammo G‘arb ulardan voz kechganini qayd etdi.
Tadbirkor Afg‘onistonda sodir bo‘layotgan voqealarni "Amerika jamoatchiligi yigirma yil davomida shtatlar u yerda ustunlikka erishayotganiga amin bo‘lgani” bilan solishtirdi.
Saks AQSh, aftidan, Ukrainada ham xuddi shunday natijaga yaqinlashayotganini afsus bilan xulosa qildi.
"Yaxshi aytilgan so‘zlar", - deb izoh qoldirgan Ilon Mask Saksning posti ostiga.
Mask muntazam ravishda Ukrainadagi mojaro haqida fikrlarni bildiradi. O‘tgan hafta u o‘zining "Twitter"dagi sahifasida "Leopard 2" kabi oz sonli tanklarni tankka qarshi qurollar va minalar bilan yo‘q qilish mumkinligini aytdi.
Ijtimoiy tarmoq foydalanuvchilaridan biri Germaniyadan ko‘proq "Leopard 2" yetkazib berishni talab qilgan Ukraina tashqi ishlar vaziri o‘rinbosari Andrey Melnik haqida post e’lon qildi va “so‘nggi kunlarda “Twitter”dagi videolarga qaraganda, ular parcha-parcha qilinmoqda”, deb ta’kidlagan.
U Ukraina harbiylari ulardan foydalanish uchun yetarlicha tayyorgarlik ko‘rmaganligini taxmin qilib, ehtimoliy yangi tanklarni yetkazib berish behuda ketishini taxmin qildi.